العميله أمنيه في عشر أيام للستات

أمنية كانت دايما داعمة كبيرة لينا وموجودة في كل ايفنت وكل تجديد وساعدتنا بارائها اننا نحسن ونطور منتجاتنا
تجربة أمنية مع المنتجات بتبسطني جدا بصراحة بس هي اختارت تحكي النهاردة عن منتج واحد وهو Blooming night oil 

أنا كنت قايمة من وعكة صحية شديدة، وأدوية كتير -خلت نومي متقطع في أيام أو زايد عن اللزوم في أيام تانية- بوظت بشرتي، وأنا أهملتها.
وعشان أقدر أتخطى ده، كان لازم أرجع أهتم بنفسي تاني، والحقيقة والله مالقيتش أفضل من النايت أويل.
كنت باصحى من النوم أقول إيه ده؟
الهالات بتقل؟!
ده بجد؟!
مش هابقى مضطرة أستخدم كونسيلر!
الحباية اللي في قورتي صغرت!
معقولة من غير زيارات لعيادات طبية وتسعميت مرهم الوضع بيتحسن؟
وتحسن ملحوظ وسريع؟
أنا ليه ماكنتش باستخدمه قبل كده!
ده غير ريحته الحلوة، ومستوى ترطيبه العالى.
بشرتي بتتنفس لما باحطه.
وفعلا زي ما أكتر من بنت قالت؛ ماعنديش طاقة أعمل تسعميت حاجة لبشرتي، أنا عايزة الخلاصة، والنايت أويل كان الخلاصة