كنت محتاجة أساس سهل الامتصاص أبني عليه البلومنج نايت أويل،والأساس ده كان مكون أساسي في روتيني ،مش بس بيقدر يشيل كل الإضافات التحفة الي اتبنت عليه ويوصلها لأعماق البشرة ،لكن كمان فوايده مالهاش حصر
نجم النهاردة هو زيت بذور العنب
- زيت بذور العنب فيه نسبة عالية من اللينوليك أسيد الي بيقلل انسداد المسام وبالتالي يتحكم في ظهور الحبوب والبثور والرؤوس البيضا
- بالإضافة لفيتامين e الي بيسرع علمية شفاء الجلد فيعالج الآثار بسرعة ويمنع تكون النسيج الندبي فبشرتك مايبقاش فيها حفر مكان الحبوب
- فيه فيتامين D و C ومركب البوليفينول والبيتل كاروتين المضادين للأكسدة فبيحمي البشرة من الجذور الحرة ويخليها تمتص أشعة فوق بنفسجية وتلوث بيئي بنسبة أقل من العادي بالتالي بيقلل إحتمالية الإصابة بسرطان الجلد
- بيحتفظ بالرطوبة في الجلد وسهل الامتصاص لأنه يعادل كثافة الزهم الطبيعي بتاع البشرة
- بيحمي ويبني حاجز البشرة المتضرر ويقويه بالأحماض الدهنية الي فيه - بيقلل خطوط البشرة ويحميها من التجاعيد المبكرة ويزود ليونتها
- بيدعم انتاج الكولاجين الطبيعي في الجلد
- مضاد للفطريات وبيقلل الالتهابات فهو ممتاز لأصحاب البشرة الحساسة والي عندهم روزيشا واكزيما
زيت بذور العنب لونه بيتغير حسب لون العنب الي جاي منه وده جمال البلومنج نايت أويل،ان كل قطفة لونها غير الي قبلها
بيجيلنا من أنقى المصادر في اسبانيا وفرنسا وبنحرص أنه يكون واخد ختم حلال وكوشر علشان نتأكد أنه مكانش جزء من صناعة النبيت 
البلومنج نايت اويل جواه ايه ؟