اول يناير تقريبا كنت كتبت بوست بسأل عن هايلورونيكأسيد يكون نوع كويس من بعد ما قاطعت سيرم لوريال.. وكان في من ضمن الترشيحات أكتر من تعليق رشحوا منتجات صديقتي إلينا..وانا متابعة رحلة إلينا من كدا سنة وهي بتعمل البراند بنفسها كبنت مصرية علمت نفسها وعملت منتجات بشكل بسيط في البداية جربها بنات كتير وكنت بشوفهم في أحد الجروبات اللي كنت أنا وهي اعضاء فيها بيشكروا في التجربة .. مرورا بأنها رخصت البراند بتاعها واهتمت بالتغليف والتسويق
وعلشان كده حبيت اني اجرب المنتج واشوف عامل ازاي وطلبت اوردر من الموقع الاونلاين في منتصف شهر يناير
طلبت سيروم الهيالورونيك أسيد وجربت كمان صابونة الشوفان والزيت الليلي اللي بيتحط قبل النوم
وجربت كمان التنت وزبدة الكاكاو..
بصراحة انبهرت بسيرم الهاليرونيك حلو جدا بستخدمه بعد غسيل البشرة بالصابونة وبعد ما بحطه بأحط بعده كريم مرطب من صيدلية أنور (اسمه كريم الكولاجين)
بعد الاستخدام اليومي لمدة شهر يشعر النص بالكلمة خفيفة ومدى قوله
البلومينج نايت اويل او الزيت الليلي ده ريحته خطيرة ريحة البرتقال والشاي الاخضر بحط منه نقطة وانام بصحى الاقي وشي منور وريحته بتعمل استرخاء وقت النوم
الصابونة خطيرة جدا
التنت حلو بس هو تقيل شويه .. يعني نصيحة محتاج انك تاخدي منه نقطه تخلطيها مع كريم المرطب بحيث يبقى ملمسه ناعم وخفيف لكن لوحده كده كان صعب شويه في التوزيع
زبدة الكاكاو معجبتنيش اوي بصراحة علشان طعمها قوي فبيطلع في الفم ومش بتدي لمعة لكن هي بتدي ترطيب .. فالاحسن انها تتحط بالليل وقت النوم وتتغسل الصبح مع الوجه بحيث تعطي ترطيب طول الليل
إلينا متعرفش اني هكتب البوست ده ومطلبتش مني اني اكتب اي حاجة بس الشاطر لازم نقوله برافو بجد
👏
تجربة حقيقية مع الينا كوزمتكس: كيف غيّرت منتجاتنا حياة شيماء علي!